الفرق مابين افلام السكس و الجنس فى الحقيقه

الفرق مابين افلام السكس و الجنس فى الحقيقه

الموضوع مهم جدا و كبير لان للاسف مجتمعنا بقى يجمع ثقافته الجنسيه من الافلام الاباحيه
بس تعالو مع بعض نحاول نوضح كام نقطه
فى افلام البورنو هو بيركز على اللى بيتفرج مش على اللى بيمثلوا
بمعنى فيه بعض الاوضاع الممثلين بيعملوها بتظهر كل انواع الاثاره للى بيتفرج و طبعا بيعتمدوا على بعض الاوضاع علشان تدى للمصور زاويه تضمن للى بيتفرج اكبر كميه من المناطق المثيره بس لو جربت تعملها هتلاقيها ممله جدا و مالهاش طعم نهائى
ده غير ان فى الافلام معمول اعتبار لكل حاجه ممكن تزود من اثارتك
من اول طريقه النظرات و تعابير الوجه و الهدوم اللى لابسينها و طريقه قلعهم للهدوم و الاضاءه و زاويه التصوير و طبعا الاصوات
?? طب فى الحقيقه ايه الفرق و معنى كده ان مش هتعرف توصل لنفس الاثاره فى الحقيقه ؟؟؟
خلينا نتفق على حاجه و ان كانت تبان غريبه شويه
مش هنقارن مابين المتعه اللى بتوصلها من الفرجه على البورنو و المتعه بتاعت الجنس الحقيقى
لان ديه ليها طعم و ديه ليها طعم مختلف و الاتنين ممكن توصل فيهم لدرجه عاليه جدا من الاثاره و المتعه
?? ازاى ؟؟ كلام غريب ؟؟
خلينا نفصصها مع بعض
ايه هى مستقبلات الاثاره الجنسيه
١) العين ( لما بتشوف حاجه مثيره )
٢) الاذن. ( الاصوات المثيره )
٣) المناطق الشبه شبقيه ( الشفايف ) اثناء التقبيل او لمس الشفايف بصفه عامه
٤) المناخير (فيه حاجه اسمها الفيرمونات هانتكلم عليها بعدين )
٥) الجلد ( و المقصود هنا الاثاره اللى بتستقبلها لم تلمس او لما يتم اثاره المناطق الحساسه على جلدك انت )
٦) المناطق الشبقيه ( زى الاعضاء التناسليه )
٧) العقل او التخيل ****

طب تعالو بقى نشوف ازاى ده ليه طعم مختلف عن ده تماما

€€ زى ماقلنا فى البورنو بيعتمد على كام مستقبل اثاره و بحاول يوصلك اعلى نسبه اثاره ممكن يوصلها المستقبل ده يعنى هتلاقيه بيركز و بيحاول يقلل " من مثبطات الاثاره " اللى ممكن يتعرضلها المستقبل ده
فهتلاقيه بيعتمد على
- العين بنسبه ١٠٠٪‏
- الاذن بنسبه ١٠٠٪‏
- و بالتبعيه المناطق الشبقيه اللى انت بتحاول تثيرها بنسبه ١٠٠٪‏ لانك المتحكم فى كل منطقه بتثيرك على اعضائك و متحكم فى سرعه و قوه الاحتكاك
- مع الاثاره العقليه طبعا اللى بيخلى عقلك يصورلك انك مكان الممثل و انك بتعمل زيه و ساعات بتغير مسار الفيلم فى عقلك و توجهه لنوعك المفضل من الجنس بس مع الممثله ديه
()()()() يعنى البورنو بيوجه اكبر قدر اثاره لاربع مستقبلات اثاره

€€ فى الجنس الحقيقى
انت بتتعرض لاثاره
- العين بس شبه مستحيل الوصول لنفس نسبه الاثاره بتاعه البورنو و ده ليه كذا سبب اولا للشخص اللى معاك مش موديل بورنو محترفه عارفه ازاى تبصلك و ازاى تتكلم معاك و ازاى تتحرك قدامك او ازاى تقلع هدومها بطريقه احترافيه ثانيا حتى ولو معاك واحده بكل المواصفات ديه هتلاقى مثبطات الاثاره زى حاجه غريبه فى جسمها او حاجه غريبه فى هدومها او اى حاجه ممكن تشوفها تشغل عقلك و لو بنسبه بسيطه تاثر على نسبه اثارتك
- الاذن و نفس الكلام بالظبط صعب الوصول لنفس نسبه اثاره البورنو
- الشفايف و طبعا ديه حاجه مش بيقدمهالك البورنو
- المناخير و ده عامل مهم جدا مش بيقدمهولك البورنو بالرغم من انه ساعات بيكون سبب مثبط للاثاره مش مستقبل للاثاره
- الجلد و ده من اكبر و اهم مستقبلين الاثاره و اللى مش بيقدمهولك البورنو
- الاعضاء التناسليه و ديه طبعا نسبه اثارتها اثناء الجنس الحقيقى مختلفه تماما فى احساسها لاننا زى ماقلنا فوق انك اثناء اثارتك لنفسك بتبقى متحكم فى مناطق الاحساس و سرعه و قوه الاحتكاك و ده مختلف اثناء الجنس
لان الاحتكاك مش بيبقى متركز على مناطق معينه فى العضو و قوه و سرعه الاحتكاك صعب التحكم فيهم و ده اللى بيديك احساس مختلف
- العقل و ده طبعا مالهوش عامل كبير زى البورنو و ان كان ليه عامل فى بعض الحالات
()()() يعنى الجنس الحقيقى بيعمل اثاره لنفس مستقبلات الاثاره بتاعه البورنو بس بنسب اقل و ده اللى بيخليك تحس ان البورنو ممتع اكتر فى حاله انك ماعرفتش توصل لاعلى نسب اثاره للمستقبلات اللى البورنو مابيقدمش اثاره ليها زى الشفايف و الشم و التلامس

بمعنى انك لو قدرت توصل لاثاره المستقبلات ديه صح هتعمل مكس مابين كل انواع الاثاره و اللى هيديك فى الاخر احساس مختلف تماما عن المكس اللى بتاخده مابين الاربع مستقبلات بتوع البورنو
زى بالظبط انك تاكل ساندوتش شاورمه طعمه جامد و يشبعك
او انك تقعد على سفره مليانه اصناف و تاكل من كل صنف لحد ماتشبع